Oe totus semus leados dae su curre curre, a bortas sena mancu ischire a in ue semus andende, nessi una borta in custu viàgiu in sa terra diat èssere bellu a fàghere un'esperièntzia de vida caminende peri sos logos a largu dae sa tzitade e dae sa vida chi curret lestra lestra sena giai giai mancu nos nde sapire.
Logos a in ue pòdere lòmpere, pro resones no ebbia religiosas, bi nd'at paritzos, unu de sos caminos prus famados est cussu de Santiago de Compostela: 800 km totus a pee pro arribare a sa tumba de Santu Giagu. In Sardigna puru, mancari non connotu meda, amus su caminu de Santu Jacu chi partit dae su cabu de susu pro arribare a su de giosso, sas comunas chi faghent parte de custu caminu sunt ligadas dae sa devotzione manna pro Santu Giagu chi est patronu de totus custas comunidades.
Nessun commento:
Posta un commento