Festival SCIRARINDI

Sàpadu 29 e domìniga 30 de santandria in Casteddu, 

fiera campionària, sa de bator editziones de:

FESTIVAL    SCIRARINDI

 

Sa Sardigna de cras.

Chenàbura, su 28 de santandria in Macumere, in su tzentru servìtzios culturales, a sas 5.00 de sero b'at un'atòbiu pro arresonare subra de sa Sardigna de su benidore:

 "La Sardegna di domani: idee e parole chiave per scrivere il futuro della nostra isola".

Deghe reladores cadaunu cun una paràula chi costoit un'idea pro iscrìere su benidore de s'ìsula nostra. 

Organizat su sòtziu Nino Carrus. 

Nova in su detàlliu 

Sanidade e tecnologia, dae su 2015 retzeta mèdica eletrònica.

Dae su 2015 sa retzeta ruja in paperi chi nos dat su dutore no at a esìstere prus, difatis s'at a trasmìtere totu in via telemàtica. Cun una delìbera presentada dae s'assessore de sa sanidade Luigi Arru, sunt istados istantziados 10 milliones e 500 mìgia èuros pro programmare sos interventos chi ant a lòmpere a una "dematerializzazione della prescrizione medica e allo sviluppo del fascicolo sanitario elettronico".

Sa retzeta telemàtica s'at a definire pro mesu de acordos intre su MEF (Ministeru de s'economia e de sas finantzas) e su Ministeru de sa salude e de sas Regiones.  

Sa lege 221 de su 17 de nadale de su 2012, a s'art.13 previdit dae parte de sas regiones una "graduale sostituzione delle prescrizioni cartacee con le equivalenti in formato elettronico in una percentuale che sia del 90% nel 2015".

                                                                    Nova in italianu

Su 6 de nadale, atòbiu in Golothene.

"Orminas de industria"
Sulle tracce del cambiamento...

 

 

Sàpadu, su 6 de nadale 2014, in s'àula cunsiliare de sa Comuna de Golothene, a sas 10.00 de mangianu un'atòbiu in ue s'ant a pòdere iscurtare sas testimonias de chie at tocadu cun manu sa rivolutzione sotziale de sa Sardigna tzentrale.
S'atòbiu naschet dae sa collaboratzione intre su sòtziu culturale Orminas, sa Comuna e sa Proloco.

Leant parte:

• Saverio Ara ex operàiu
• Don Pietro Borrotzu, diretore de sa Pastorale de su Traballu 
• Gianfanco Mussoni, primu Sìndigu operàiu
• Michele Tatti, giornalista

Ghiat:

• Federico Sedda, giornalista.

Nominada sa diretora de su servìtziu limba sarda.

Dae su mese de maju su postu de diretore de su servìtziu Limba e Cultura Sarda de sa Diretzione Generale de sos benes culturales, informatzione, ispetàculu e isport fiat vacante, in medas dimandaiant a sa Giunta  chi l' esseret cunferidu.

Est de eris su decretu n. 138, in ue  sas funtziones de diretore si dant a sa dutoressa Maria Isabella Piga. 

Avisu a sos sindiesos

COMUNA DE SINDIA

Provìntzia de Nùgoro

Su servìtziu igiene de sos alimentos e de sa nutritzione
(ASL n. 3 de Nùgoro -Macumere)

informat chi s'abba nos si podet bufare. 

Non si podet  impreare ne in su consumu diretu e mancu in sos àteros impreos alimentares.

Podet èssere impreada in s'igiene personale.

Leghe s'ordinantza de su Sìndigu.

Sindia, laboratòriu pro sos pitzinnos.

Biblioteca Comunale de Sindia.

Avisu a totus sos pitzinnos de Sindia: 

giògia su 20 de santandria comintzant sos laboratòrios, torrat Franca Becciu cun sos buratinos !!!

Sos mòdulos de iscritzione si ritirant in biblioteca.

Su calendàriu de sos atòbios galu no est istabilidu, su primu apuntamentu est giògia 20, in biblioteca a sas 4.30 de sero, fatu fatu s’ant a istabilire paris sas dies.

Bos ispetamus in medas!!!