lunedì 29 dicembre 2014

Laboratòrios pro imprendidores de cras...

Pro chie nde cheret ischire de prus cuntatare su CSL de Nùgoro o imbiade una mail a ricercattiva.cslnuoro@provincia.nuoro.it iscridende nùmene, sambenadu, data de nàschida e nùmeru de telèfono, inditade su'ogetu  ''Imprendiamoci''.

Su laboratòriu  ''Imprendiamoci'' faghet parte de su   Programma Garanzia Giovani 
sa punna est de fàghere a manera chi nascant impresas noas pro mesu de unu caminu assistidu subra de pianificatzione e comintzu de s'atividade. 













mercoledì 24 dicembre 2014

Bona Pasca de Nadale




Est cun piaghere mannu chi pro custa Pasca de Nadale pùblico sa poesia de un'òmine chi dae pagu nos at lassadu, a nche lu connòschere in sa santa gloria.


 

             

Poesia  leada dae su blog de Marco Camedda, cun s’autorizatzione sua.
   
Augurende a totus una Bona Pasca de Nadale cun salude, serenidade e trancuillidade.


E… àteros annos mègius.
S’operadora de isportellu
Antonella.M.M.Licheri

martedì 23 dicembre 2014

Avisu a sos sindiesos


"Voi stessi date loro da mangiare..." Luca 9,13.

Oe in Sindia peri sas butegas si regollint alimentares pro sos chi tenent prus bisòngiu.
Organizat sa Parròchia Nostra Sennora de Corte, s'Atzione Catòlica de Sindia e sa Caritas parrochiale.

Su 26 de nadale, 
chenàbura a sas 8.30 de sero, si giogat a tòmbola!!!




Bandu pro sas impresas de su setore agroalimentare ICT e Nàuticu.

 IN.SAR  - Initziativas Sardigna, in s'àmbitu de su Programma ICO (interventos coordinados pro s'ocupatzione) istituidu dae sa Regione Autònoma de Sardigna - Assessoradu a su traballu e aprovadu cun D.G.R. n.49/17 de su 26.11.2013, cheret dare sa possibilidade a sas impresas chi òperant in su setore agroalimentare, ICT e Nàuticu, de assùmere disocupados e inocupados gràtzias a intzentivos e pro mesu de su SIL.
Sas impresas chi tenent sos rechisitos de ammisibilidade inditados in s'art. 5 podent fàghere dimanda dae su 14 de ghennàrgiu 2015 a su 12 de freàrgiu 2015





mercoledì 17 dicembre 2014

Eventos in Silanos pro nadale.



Sa Comuna de Silanos, sa Pro Loco, Borghi Autentici paris cun Comitadu de Santu Laretu e su Coro Polifònicu ant ammaniadu su programma pro festare nadale.




  • Giògia 18 de nadale a sas 10.00 in su Montegranàticu presentada de su progetu "Nati per leggere"
  • Chenàbura 19 de nadale a sas 10.30 in su Montegranàticu festa de Nadale cun sa cumpangia "Brullas" 
  • Sàbadu 20 de nadale a sas 22.00 in su Montegranàticu animatzione cun su Comitadu de Santu Laretu
  • Merculis 24 de nadale in s'ACLI Babbu Nadale dat sos regalos a sos pitzinnos - Comitadu Santu Laretu
  • Sàbadu 27 de nadale a sas 20.00 in sa crèsia de Sant'Antoni cantat su Coro Polifònicu.
  • Domìniga 28 de nadale animatzione cun sa Pro Loco: si giogat a tòmbola
  • Merculis 06 de ghennàrgiu 2015 in a sas 16.30 in Pratza sa Madalena Festa de sa Befana - Comitadu de Santu Laretu


martedì 16 dicembre 2014

Silanos. Presentada progetu e ispetàculu pro sos pitzinnos.

Su 18 de nadale, in Silanos, a sas 10 de mangianu, in su locale Monte Granàticu, b'at un'atòbiu pro sos babbos e sas mamas de sos pitzinnos nàschidos in su 2014, ma fintzas pro sos pitzinnos de s'iscola. 
Si presentat su progetu "Nati per leggere" si dat unu donu a sos pitzinnos nàschidos cust'annu comente sinnu de benènnidos, b'at un'ispetàculu de buratinos  e una relata subra de su bilinguismu chi at a fàghere s'operadora de s'isportllu de sa limba sarda.

lunedì 15 dicembre 2014

Die de formatziones pro mastros e operadores de limba sarda.

 

Una die de formatzione


Didatichende, sa de tres editziones.


Eris in Iscanu sa de 3 editziones de Didatichende una die de formatzione pro chie traballat cun su sardu, ammaniada dae sas operadoras de limba sarda Gianfranca Piras e Maria G.  Serchisu in collaboratzione cun s’Amministratzione comunale.
At abertu sos traballos su vitzesìndigu Antoni Flore sutalineende s’importu de sa continuidade de sighire a si bìere pro chistionare de limba << non tocat a si nche istracare de si bìere>> pro sighire a traballare e crèschere nos servit a nos cunfrontare e a sighire a imparare die cun die.

Sos argumentos ispoddiados dae su dotzente incarrigadu pro sa formatzione: Antoni Nàtziu Garau fiant
  • fàghere iscola in una comunidade cun unu repertòriu plurilìngue,
  • didatizatzione de sos materiales,
  • ainas de su tradutore e de su terminòlogu.


 Garau at ispoddinadu sas maneras de chistionare chi dant vida, a segunda de s’influèntzia de sa limba 1 o 2,  a una variedade pretzisa de sardu o italianu, in pagas paràulas a segunda de canta cumpetèntzias chi unu tenet in sardu e italianu, at a chistionare in una manera prus o mancu arta e ammisturada.
Sunt essidas a pìgiu totu cussas maneras de chistionare in italianu regionale ma fintzas cussa faddinas mannas chi a bortas si faghent sena nde àere cussèntzia…
Àteros argumentos de importu sunt istados su code switching, code mixing e tag swuitching  ma fintzas sos imprèstidos partzinde.los intre de badas e de apretu e posca sos carcos, chi mudant in sintàticos, semànticos, morfològicos e sintemàticos.

In pagas paràulas est istada una die càrriga de cosas interessantes meda meda  e a dolu mannu bi nde aiat chèrfidu un’àtera de die, ma s’ischit cun su sardu paret semper chi b’at tempus, mancari chi su tempus colat e guai si gasi no esserat.
E duncas àteras bortas cun salude!!!!




                                            
                Bandu                        


Giovani Intelligenze del Marghine.

Avisu pùblicu pro realizare progetos innovativos in sas Amministratziones pùblicas pro mesu de bursas de traballu.

S’Unione de sos  Comunes “Marghine”, informat chi si podet presentare dimanda pro una bursa de traballu in s’àmbitu de su progetu “Giovani  intelligenze del Marghine” promòvidu dae su PLUS (Pianu Locale Unitàriu de sos Servìtzios a sa pessona)su bandu est abertu a sos giòvanos laureados  chi tenent un’edade intre sos 24 e 35 annos.
Su progetu punnat a agiudare a intrare  in su mundu de su traballu giòvanos chi mancari istudiados arriscant de si disanimare e non si impinnant prus a chircare traballu. Su progetu podet èssere, pro sos giòvanos laureados una prima esperièntzia de traballu e de impreu de sas pròpias cumpetèntzias  a manera chi a pustis, in su benidore, lis nascat sa gana de sighire a chircare traballu.

Durada.

S’inserimentu durat 5 meses, sas oras de traballu sunt 25 a sa chida, a onni beneficiàriu l’ispetat un’agiudu econòmicu de 466,60 èuros, pro unu totale de 2.333,00 èuros.  

Chie podet fàghere dimanda.

Laureados chi tenent làurea de chimbe annos o ispetzialìstica cun unu votu mìnimu de 100/110
Un’edade intre sos 24 e 35 annos.
Èssere disocupados o inocupados.
Àere sa residèntzia in unu de sos comunes de s’Unione de su Màrghine
No àere fatu àteros tirotzìnios o traballos o collaboratziones cun sa matessi amministratzione.

Iscadèntzia.

Su bandu iscadit su 22 de nadale a mesudie, sa dimanda devet arrivare a su protocollo de s’Unione de sos Comunes intro de custa data.

Seletzione.

S’at a fàghere una seletzione pro tìtulos e un’elaboradu progetuale.
Sos postos sunt pro profilos diferentes e unu pro cada Comuna.




        

mercoledì 3 dicembre 2014

Macumere mustra de su libru.



Dae su 4 a su 7 de nadale 
in Macumere sa de XIV editziones de sa Mustra de su libru 
in sas Ex Casermas Mura.

Torrare a impreare istatziones ferroviàrias minores

Istatziones minores in comodadu.

Esempros de progetos...                        




RAS. Contributos a sas cooperativas


Fundu pro s'isvilupu de su sistema cooperativìsticu, arribant sos contributos.
  
S’assessoradu regionale a su traballu at publicadu s’avisu pro presentare dimandas de contributu a sos sòtzios cooperativìsticos reconnotos legalmente, pro interventos relativos a sas atividades presas a su Fundu pro s’isvilupu de su sistema cooperativìsticu in Sardigna.
Sa punna est cussa de agiudare su protzessu de capitalizatzione e afortigare sas cooperativas sardas chi giai bi sunt, sas atividades sunt:
de animatzione e informatzione in totu s’ìsula, ammaniadas dae sas Tzentrales cooperativìsticas chi devent dare totus sas informatziones chi pertocant su de leare parte de su fundu,
de tutoràgiu chi punnant a ismanniare unu grupu  de progetu candidadu a costituire sa cooperativa  pro mesu de formatzione manageriale , definitzione de su mercadu e sos pianos organizativos, formatzione de sos operadores econòmicos a pustis de su finantziamentu e averiguadas chi mirant a analizare sos resurtados, sos cambiamentos bidos e istabilire  a in ue si est lòmpidos e sos passos de betare a pustis.

Su contributu est de 500.000 € e si partzit intre sos sòtzios chi ant a fàghere dimanda.

Sas dimandas devent arribare intre de su 10 de nadale a s’assessoradu regionale de su Traballu, formatzione professionale, cooperatzione e seguresa sotziale – Carrera XXVIII Freàrgiu n. 1   09131 Casteddu.