Oportunidade manna pro chie cheret comintzare un'atividade noa o un'investimentu pro su chi giai b'est o pro chie tenet dificultade a àere crèditu cun sos canales traditzionales.
S'assessoradu regionale de su traballu, sighit cun s'initziativa de unu finantziamentu sena interessos, su fundu microcrèditu FSE previdit sa cuntzessione de unu mùtuo de 25 mìgia euros a tassu zero de rimborsare in 60 meses. Non si dimandant garantzias francu chi pro sas sotziedades e sas cooperativas a responsabilidade limitada.
Chie podet dimandare su finantziamentu:
- sos chi sunt a rìschiu de esclusione sotziale (traballadores chi ant lòmpidu 50 annos e sunt disocupados o inocupados, cassintegrados)
- sos chi non tenent indennidades pùblicas o de disocupatzione
- fèminas
- sugetos isvantagiados (disàbiles, migrantes, ex cartzerados, ex tossicodipendentes)
- famìlias monoparentales
- sos chi no ant unu diploma de iscola mèdia superiore o professionale
- imprendidores novos (fintzas titulares de impresa dae non prus de 36 mese)
- pro sas sotziedades sos recuisitos bi devent èssere nessi pro unu de sos sòtzios cun su 51% de sas cuotas sotziales.
Tenent prioridade sas dimandas chi pertocant: turismu, servìtziu sotziale a sa pessone, amparu de s'amniente, ICT, rispàrmiu energèticu e energias rinnovàbiles, servìtzios culturales e de ispàssiu, servìtzios a sas impresas, manifaturieru, artesanadu e cummèrtziu.
Podent presentare propostas:
- impresas minores giai aviadas, dita de pessones, sotziedades a responsabilidade limitada
- cooperativas A o B, chi sunt naschende o giai nàschidas
- impresas minores chi devent nàschere
- organismos no profit e operadores de su privadu sotziale chi òperant in su setore de sos servìtzios sotziales a sa pessone.
Nessun commento:
Posta un commento