Sindia. Bandu pùblicu.

Comuna de Sindia

Provìntzia de Nùgoro

Programma de atziones contra a sa poberesa.

Lìnea de interventu 3

 

Sussìdios pro fàghere su servìtziu tzìvicu comunale, cun piessignos de volontariedade e flessibilidade.

Su servìtziu punnat a su reinserimentu sotziale de sos chi tenent una situatzione econòmica grave

Chie cheret aderire a custa lìnea:

non devet àere traballu o

lu devet àere pèrdidu, non devet àere asseguratzione

èssere àbiles

non devent gosare de sa lìnea de interventu 1

Chie benit ammìtidu a su Servìtziu tzìvicu at a fàghere traballos de utilidade colletiva:

atividade de manutentzione de sos locales de propiedade de sa comuna

costoire e mantènnere netas sas istruturas sòtziu-assistentziales e isportivas

costoire, vigilare e mantènnere netas sas iscolas

collaborare a mantènnere netos e in òrdine logos, carreras e pratzas de sa bidda movende.che arga e erba, isbagantende sos botos de s’arga e leende.che s’arga a sos giassos inditados dae su servìtziu

collaborare e agiudare, in ue possìbile, in su funtzionamentu de sos ufìtzios

assìstere disàbiles o antzianos chi istant in sa bidda.

Podent leare parte a su programma sos tzitadinos àbiles a su traballu, fintzas categorias comente ex cartzerados e ex tossicodipendentes

Recuisitos:

residèntzia in Sardigna dae nessi 2 annos

edade dae sos 18 a sos 64 annos

famìlia cun rèdditu bassu, ISEE chi non nche colat sos € 4.500,00 a s’annu, o in situatziones particulares € 5.500,00

gente sena traballu

Sos mòdulos pro sa dimanda si podent ritirare in s’ufìtziu servìtzios sotziales, sa dimanda andat presentada intro de su 10 de santuaine 2014, sos documentos de allegare sunt:

documentu de identidade de chie presentat sa dimanda

còpia còditze fiscale

tzertificadu ISEE riferidu a sos rèdditos 2013, de dimandare in un’ufìtziu CAF

autotzertificatzione de àteros rèdditos esentes IRPEF

tzertificatzione de su tzentru servìtzios pro s’impiegu chi atestat s’istadu de disocupatzione e sas esperièntzias de traballu

cada casta de tzertificadu chi mustrat s’istadu de bisòngiu

In casu de su matessi puntègiu, si dat prioridade a sas famìlias cun su rèdditu prus bassu, àteru critèriu in casu de àtera paridade at a èssere sa data de presentatzione a su protocollo.

Si retzit ebbia una dimanda pro famìlia, non si ammìtint a su servìtziu tzìvicu comunale pessones chi tenent àteros sussìdios pùblicos

Datos chi pertocant su contributu:

oras de traballu 15 a sa chida, a mangianu,

durada: 3 meses cun possibilidade de pròroga,

valore de su  bonus €.350,00

Bandu cumpletu, n. 273