martedì 17 giugno 2014

Sindia. Festegiamentos pro Santu Giuanne

FOGOS IN SOS BIGHINADOS

Su note intre su 23 e su 24 de làmpadas, in Sindia si festat Santu Giuanne, custa festa sinnat, dae tempos antigos su comintzu de s’istiu e s’istajone de messare. Custa data est sa matessi de su solstìtziu de istiu cando b’at prus lughe che iscurigore.
Su note de su 23, in Sindia, passigende peri sas carrelas si vivet un’àghera de maghia chi ammuntat totu sa bidda: est comente chi su tempus si siat firmadu. Rituales antigos e simbolismos arcàicos si presentant aguales in su tempus: sos matessi chi faghiant sos babbai nostros, cun manos sàbias e sa siguresa chi fiant de bonu augùriu pro sa resurtada de s’annada noa.
Cun custu ritu, su 23 a sero, in onni bighinadu s’allumat su fogu de Santu Giuanne chi pro totu su note acumpàngiat sos festegiamentos in onore de su Santu.
Su fogu tenet un’importu mannu ca brinchiende.lu si faghet unu patu de amigàntzia gasi forte e sentidu chi est che pare a cussu de su batiare: sa comparia; su mangianu in fatu si regollint erbas chi benint impreadas pro fàghere meighinas, comente s’elba de Santu Giuanne e s’elba sena nodu , s’atentu e s’isopo. Est fintzas una die in ue b’at sinnos: sas baghianas in edade de si cojare, chircant de intzertare su benidore pro mèdiu de ritos chi tenent orìgines antigas in sos tempos colados.




‘’Compare Compare
Bos ponzo a giurade
Bos ponzo in assentu
Compare de su giuramentu”

‘”””Commare Commare
Su pane de isposade
Su pane de allegria
Commare de sa vida mia”


Nessun commento:

Posta un commento