Sindia. Contributos pro istudentes

Comuna de Sindia

Provìntzia de Nùgoro

Servìtziu Afares Generale.

Ufìtziu Pùblica Istrutzione.

Avisu.

Est essida sa dimanda pro sos contributos a istudentes, fintzas cun disabilidades, de s’iscola segundària de primu e segundu gradu, pro servìtzios de trasportu urbanu e extraurbanu  e cun mezos atretzados e personale ispetzializadu in base a sas esigèntzias.

Annu iscolàsticu 2013-2014. ( art.1 L. 8 de santandria 2013, n.128 e decretu Interministeriale  Miur-Mef, prot. n.184 de su 21 de freàrgiu 2014) Delìbera Giunta Regionale n.16 de su 06/05/2014.

Iscadèntzia 13 de làmpadas 2014.

Tenent deretu sos istudentes de sas iscolas segundàrias de primu e segundu gradu residentes in Sardigna.

Recuisitos: 

Prima fàscia I.S.E.E. prus bassu o pari a  euro 14.650,00

Segunda fàscia I.S.E.E. dae euro 14.650,01 a euro 24.500,00

Tertza fàscia I.S.E.E. dae euro 24.500,01 e prus

Sos contributos o benefìtzios ispetant a sos istudentes chi no ant retzidu benefìtzios pro sas matessi finalidades, dae amministratziones pùblicas (es. L. 104/1992 art.3 comma 3).

Ispesas ammissìbiles:

abonamentos pro su trasportu cun mezos pùblicos

ispesas de viàgiu in lìneas urbanas e extraurbanas fatas  cun billete nominativu

ispesas pro su trasportu a gestione direta o indireta de s’iscola

atestatzione de s’ispesa dae ue devent resurtare sos chilòmetros chi bi sunt intre domo e iscola frecuentada,  decraratzione de ausèntzia de su servìtziu de trasportu pùblicu.

Ispesas de assistèntzia ispetzialìstica:

ispesas de viàgiu cun mezos atretzados e personale ispetzializadu in base a sas netzessidades de sos istudentes cun disabilidades, a sos sensos de sa L.104/1992 art.3 comma 3. S’ispesa devet èssere documentada.

Importu de su benefìtziu e graduatòrias:

s’importu est istabilidu subra de sa base de critèrios e maneras impreados pro sa gestione de servìtzios comente custu in s’àmbitu de su deretu a s’istùdiu, a sos sensos de sa L. r. 25 de làmpadas 1948 n.31 e àteras modìficas.

Pro permìtere de dare su benefìtziu a prus istudentes, s’importu at a èssere calculadu in base a su nùmeru de sos chi ant deretu e a su dinare a disponimentu.

Pro atzèdere a su contributu e pro ammaniare sas graduatòrias si tenet contu de sas cunditziones econòmicas  de sos istudentes, a paridade de puntègiu si leat a cussidèriu sa distàntzia dae sa sea iscolàstica.

A paridade de sas àteras cunditziones, sa prioridade est cussa de disabilidade grave a sos sensos de sa L.104/1992 art.3, comma 3.

Modalidade de presentatzione de sa dimanda e iscadèntzia:

Sa rechesta de su contributu  podet èssere fata dae su babbu o sa mama o dae chie rapresentat su minore, o fintzas dae s’istudente si at lòmpidu sos 18.

Sa dimanda si podet iscarrigare dae su situ de sa Comuna de Sindia a s’indiritzu www.comune.sindia.nu.it e devet èssere curredada dae una decraratzione ammaniada a sos sensos de su D.P.R. 445/2000.

 Sos interessados devent presentare dimanda intro de su 13 de làmpadas 2014  cun cunsigna a manos, cun racumandada o posta eletrònica tzertificada: protocollo@pec.comune.sindia.nu.it

                                                    Iscàrriga sa modulìstica