SILANOS
Sòtziu poeticu Silanesu “Frantziscu
Mura” Silanus
II° Prèmiu de poesia in limba sarda “Modas”
BANDU
Su Sòtziu Poeticu Silanesu “Frantziscu Mura” pro
dare lughe e importu a sa limba, sa cultura sarda e a sa sienda manna de
sa poesia nostra, in totus sas formas e maneras
connotas, contivìgiat su II° Prèmiu de Poesia in limba sarda “Modas”.
RÈGULAS
PRO LEARE PARTE A SU PRÈMIU:
1.
Su Prèmiu est partzidu in duas setziones; una pro sas
òperas connotas e cunsideradas comente “Modas”
e s’àtera pro sas òperas connotas e cunsideradas comente “Modellos”; duncas podent leare parte a su Prèmiu petzi sas òperas
chi sunt iscritas sighende cussas règulas e formas.
2.
Si podet leare parte a su prèmiu cun òperas iscrìtas in
cale si siat variedade de sardu; ant a èssere atzetadas fintzas cussas iscrìtas
sighende sas règulas de sa LSC (Limba Sarda Comuna);
3.
Sas òperas ant a dèvere èssere firmadas cun unu
istrivìngiu o fintzas cun una o prus paràulas de fantasia e imbiadas in busta
serrada a sa Segreteria de su prèmiu. In sa busta, paris cun sas còpias de
s’òpera, si devet pònnere un’àtera busta serrada e a intro de custa devent
resurtare iscrìtos: nùmene e sambenadu, logu e data de nàschida, s’abitu
(carrera, nùmeru tzìvicu, bidda e cap) e nùmeru de telèfono de su poeta e, si
l’at, fintzas s’indiritzu de posta eletrònica (email);
4.
Sas òperas ant a dèvere èssere imbiadas in 8 (oto)
còpias iscrìtas a màchina, a computer o si sunt iscritas a manos, cherent in
istampatellu pro chi andet bene a las lèghere e, a preferèntzia, in fògios de
pabilu A4 (cm 21,3 x 29,7).
5.
Sas òperas chi si presentant, non devent èssere istadas
imprentadas in libros o in cale si siat àtera forma in antis de custu bandu, non
podent àere nemmancu retzidu prèmios o mentziones in àteros prèmios o cuncursos;
6.
Sas poesias si devent imbiare cun posta ordinària o (mègius)
cun Racumandada, intro de lunis 20 de
Santugaine 2014, a sa Segreteria de su Sòtziu: Sòtziu
Poèticu “FrantziscuMura” Silanos - Segreteria organizativa c/o Cuccuru Angela
Maria, Carrera de S. Antoni, 8 - Silanos (NU) 08017. Pro chi s’imbiu de sas
òperas siat cunsideradu fatu in tempus contat sa die de su timbru de sa Posta.
7. Sas
òperas ant a èssere premiadas dae una giuria numenàda aposta; su chi detzìdit
sa Giuria est che a sentèntzia e gaì abarrat.
8.
Sas òperas no ant a èssere torradas a sos poetas; adurant
de propriedade a su sòtziu Poèticu chi at contivigiadu su prèmiu e las at a pòdere
impitare pro cale si siat cosa sena àere òbrigu perunu de dare dinare o àtera
forma de cumpensu a sos poetas chi però ant a èssere numenados onzi borta chi
su Sòtziu at a impreare sa poesia issoro e de sa cale issos adurant meres.
9.
Chie non dat cara e non si cunformat a totus sas règulas
de su prèmiu, benit postu a banda in cale si siat momentu.
10. A su prèmiu
si leat parte de badas sena paga peruna pro si nche iscrìere;
11. Su
sòtziu, si b’at bisòngiu, tenet su deretu de currèzere (petzi in s’ortografia)
sas òperas mandadas da sos poetas;
12. Onzi poeta
podet leare parte a ambas duas setziones de su prèmiu (Modas e Modellos) fintzas cun prus de un òpera, prus a prestu, non
s’at a pòdere leare prus de unu prèmiu o mentzione pro setzione.
Setziones
MODAS “Prèmiu Frantziscu Mura”.
Sos poetas devent prodùere sas òperas segundu sa
manera e sa forma connota dae sa Moda; cun s’Istèrrida, sos Fiores e sas
Retrogas; bastat chi bi siat custa forma, su poeta at libertàde de fàghere comente
prus l’agradat pro su restu. In sa busta de s’imbìu si bi devet iscrìere “Setzione
Modas”.
MODELLOS “Prèmiu Toni Manca”.
Sos poetas devent prodùere sas òperas segundu sa
manera e sa forma connota e impitàda pro sos “Modellos” (pro unu nàrrere, Settilla, Bator Retrogadu, Sesta a
Puntu in Mesu, Ses Revessu, Dòighi Travadu, Degheoto a Pala Imbesse,
Trintaduos, Trintases Retrogadu o Fioridu e Tentu a Màglia e gai sighende);
Sa Giuria at a leàre a cussideru “modellos”
imbentados a nou pro su prèmiu. S’ispera est chi si nde presentent semper de
prus. Cando si presentat unu Modellu nou, su poeta at galu de prus s’òbrigu de
iscrìere in pagas rigas sa forma e sa manera chi at cuncordadu. B’at de ammentare
chi su poeta devet semper inditare sa forma e sa manera impitada est a nàrrere
su Modellu. In sa busta de s’imbìu si bi devet iscrìere “Setzione Modellos”
_______________________________________________________________________
Su Sòtziu Poèticu
Silanesu “Frantziscu Mura” a banda de sos prèmios pro sas partes “Modas” e
“Modellos”, at a pòdere dare unu o prus prèmios a poesias presentadas a su
prèmiu chi, a parre de su Sòtziu, tenent mèritos de importu pro sos temas e sos
argumentos chi tratant.
_______________________________________________________________________
AVISOS:
·
De sa die chi s’ant a dare sos prèmios e de totu
sos àteros indìtos, su Sòtziu nd’at a dare contu cun totu sos mèdios e in cada
manera in tota Sardigna (giornales, Internet, Facebook, ràdios e televisiones
sardas). Su sòtziu at a mandare s’avisu in posta o pro telèfono ebbia a sos poetas
chi sa Giuria at a premiare.
A manera de fàghere ischire cantu prus possìbile, a sa gente, sa nova de su II° prèmiu Poèticu “MODAS” e de sas règulas pro bi pòdere leare parte, su sòtziu Poèticu “Frantziscu Mura” in prus de sos giornales sardos at a publicare sa nova de su bandu fintzas in custos sitos
www.conchidortos.org
https://www.facebook.com/pages/premiu-de-poesia-Modas-Silanus/546596695466002?ref=hl
Adatamentu bortadura ufìtziu limba sarda Mandamentu VI.
Cabidanni 2014
Nessun commento:
Posta un commento