Limba sarda in su Mandamentu VI: Bortigale, Silanos, Sindia.

mercoledì 9 luglio 2014

Regione Sardigna. Finantziamentos.

Finantziados sos progetos pro s'amparu de sas minorias linguìsticas.

S’Assessoradu regionale de sa Pùblica istrutzione at impinnadu € 535.403,00 a favore de sos entes locales pro realizare sos progetos de amparu de sas minorias linguìsticas.

Leghe sa nova in italianu

ATOS - progetos finantziados

Cabuterra: "Tutela della lingua sarda nell’Amministrazione Pubblica, nella Scuola e nella Società […]".

Bilinguismu e deretu a sa limba.

Su 30 de làmpadas in sa Comuna de Cabuterra s’es reunidu su Cussìgiu Comunale chi at dimandadu a su Guvernu de sa Regione de intervènnere deretu pro:

“salvaguardare le sorti della nostra lingua identitaria, anche mediante il rinnovo della fiducia ai vertici del servizio regionale lingua e cultura sarda e per il pieno riconoscimento del bilinguismo da parte dello Stato Italiano”.

Leghe còpia delìbera

lunedì 7 luglio 2014

Bortigale. Libros de lèghere.

Libros, novidades mese de trìulas.

Intre de sos libros de lèghere sinnalados dae su personale de sa biblioteca de Bortigale, pro su mese de trìulas, sinnalamus cussu de un’autore sardu Salvatore Niffoi.

La quinta stagione è l’inferno.

Autore: Salvatore Niffoi

Domo de imprenta: Feltrinelli

Su bandidu Bantine Bagolaris torrat a Maragolò, in Barbagia, cun una balla fichida in conca. Cheret contare a su fìgiu su fadu chi l’at marcadu sa vida, ma l’at a fàghere ebbia si su fìgiu li giurat de non contare a nemos sa cunfessione. Gosi ischimos chi su giòvanu Bantine, cojuadu luego est apenas intradu in sa criminalidade locale, devet parare fronte a una muta longa de bandidòngiu, minetadu dae sos de Gunzanes chi fiant ricos. Bantine, Primula Rossa de sa Barbàgia, benit reconnotu e tando est custrintu a partire a continente. Lòmpidu a Roma, li faghet costàgiu su bandidu Er Fiamma e faghet banda cun Alfio er Cannoniere, Serafino er Corvetto e Peppe er Giunco, sos òrdines arrivant semper dae prus a tesu. Unidos dae unu legame istrintu e misteriosu, sos Bator de s’Apocalisse, comente sunt istados mentovados, non tenent prus bisòngiu de mediassione: credent de pòdere fàghere a sa sola, ma mescamente dant semper de prus a sas atziones issoro su reconnoschimentu de atu de giustìtzia contra a sa richesa e a sos potentes. Est tando chi torrat sa pantama De Celestinu Gunzanes. Romanzu de atzione, de vida e de malavida, “La quinta stagione è l’inferno” chircat in s’illusione de sa memòria su filtru chi allughet su dillìriu, su delitu, s’amore chi unfrat sas petorras, sa mùsica de sa giovinetza. Salvatore Niffoi imbentat una Barbàgia noa chi no est ebbia su sartu de s’Italia tzentrale: semus totus in unu Texas interiore in ue s’atrotzidade s’abùmbat de sa lughe de sa giustìtzia.

Testu originale in italianu.

Bortigale. Avisu rimborsu ispesas de viàgiu pro istudentes.

Comuna de Bortigale

Provìntzia de Nùgoro.

Setore culturale e servìtzios

Avisu de rimborsu viàgiu pro istudentes de s’iscola superiore.

Annu iscolàsticu 2013/2014

Si informat chi intro de su 30 de trìulas si devent presentare sas dimandas pro su rimborsu de sas ispesas de viàgiu.

Podent fàghere dimanda sos istudentes cun una tzertificatzione ISEE chi non nche colet € 20.000,00.

Est netzessàriu de presentare sa documentatzione de s’elencu suta:

dimanda in su mòdulu preistampadu
tzertificatzione ISEE chi non nche colet € 20.000,00
abonamentos de viàgiu mensiles.

Pro cale si siat informatzione telefonare a su nùmeru 0785 80171

Avisu in italianu

Bortigale. Libros de lèghere.

Su personale de sa biblioteca de Bortigale, onni mese informat sos utentes subra de sas ùrtimas novidades in contu de libros de lèghere.
Su chi sighit est de su mese coladu, est unu libru de importu pro su isetu chi dat e sa fortza chi trasmitit.

Nessuno può toglierti il sorriso.

Autore: Valentina Pitzalis

Domo de imprenta: Mondadori

"Valentina Pitzalis est morta su 17 de abrile de su 2011. Cussa die maridu meu m’at ispartu sa carena cun carosene e m’at postu fogu. Cussa die sa Valentina chi fio semper istada, sa giòvana curiosa, prena de vida e bisos pro su benidore, at brusiadu in su fogu de un’inferru sena sensu perunu. No isco pro ite totu custu at capitadu pròpiu a mie. Mi l’apo preguntadu unu muntone de bortas, bortas medas in custos annos, gasi comente m’apo ripìtidu cada die chi issu non fiat unu mostro, ma custu emmo l’aiat fatu, una cosa mostruosa. Isco e so sigura però chi sa pessone chi so oe est prus forte de totu e de totus. Apo cumpresu chi in dae in antis de sas dificultades, in dae in antis a trazèdias che a sa mia su chi contat est cussu de agatare sa fortza de andare a dae in antis. Apo seberadu de reagire, apo seberadu de vìvere, apo seberadu de èssere de esempru pro chie credet de no àere a intro de se matessi cussa fortza, ca deo… sa depressione non mi la potzo permìtere, non prus. Su chi prus de totu m’at dadu sa fortza de lòmpere fintzas a inoghe est s’isetu de pòdere agiudare totus sas fèminas chi vivent, sena mancari mancu si nde sapire, situatziones de còpia comente a sa mia. So cuntenta de pòdere artziare una manu ebbia, so cuntenta de àere sos ogros mios sena pibiristas e sena chìgios, so cuntenta de àere sas ancas mias mancari ammuntadas dae nèsicas. Est simple e belle de non creere… apo agatadu sa fortza pro pòdere sighire a risulare e so ditzosa de vìvere!” (Valentina)

Testu originale in italianu.

Bortigale, càmbiat s'oràriu de abertura de sa biblioteca.

Biblioteca Comunale de Bortigale

Si informat chi s’oràriu de abertura de sa biblioteca pro s’istiu càmbiat.

*Die*	*Mangianu*	*Sero*
*Lunis*	9:00 13:00	16:00 19:00
*Martis*	9:00 13:00	Serradu
*Mèrculis*	9:00 13:00	16:00 19:00
*Giògia*	9:00 13:00	Serradu
*Chenàbura*	9:00 13:00	16:00 19:00